အရွယ်မရောက်သေးသူအား အဓမ္မပြုကျင့်၍ ကျောက်ခဲနှင့်ထု၍ မြေမြုတ်ထားခဲ့သည့် တရားခံအား (၇)လနီးပါး ကြာသည်အထိ ကသာရဲစခန်းမှ ဖမ်းဆီးနိုင်ခြင်း မရှိ

၁၁၊၄၊၂၀၁၄ရက်နေ့က ဖြစ်ပွားခဲ့သော (၁၁)နှစ်
အရွယ် ကျောင်းသူတစ်ဦးအား တောထဲခေါ်၍
 မုဒိမ်းကျင့်ရိုက်နှက်နှိပ်စက်ပြီး မီးသွေးဖိုပျက်
အတွင်းသို့ပစ်ချ၍ မြေမြုပ်ထားခဲ့သည့် တရား
ခံအား ယနေ့အထိ ဖမ်းဆီးနိုင်ခြင်း မရှိရုံမက
အမှုတိုင်ကြားခဲ့သည့် တရားလိုအား ယနေ့တိုင်


ရဲစခန်းနှင့် တရားရုံးတို့မှ ခေါ်ယူစစ်ဆေးခြင်းပင် မရှိခဲ့သည့်အတွက် မတရားပြုကျင့်ခံခဲ့ရသည့် မိသားစုမှ ကျေနပ်မှု မရှိပါကြောင်း မီဒီယာရုံးခန်းသို့ လာရောက်တွေ့ဆုံ ပြောကြားခဲ့ကြပါသည်၊

ထိုသို့ ပြောကြားရာတွင် အမှု၏ တရားလို အဖြစ် အမှုဖွင့်ခဲ့သူ မခင်ခင်ဦး(အသက်၂၉နှစ်)အနေနှင့် ယခုဖြစ်ခဲ့သည့် ရက်စက်သည့်ဖြစ်စဉ်အပေါ် ကသာမြို့မရဲစခန်းမှ တရားခံအား
မဖမ်းနိုင်ခဲ့ခြင်းအပေါ် သူမ၏ ဖြစ်စဉ်နှင့် စိုးရိမ်စိတ်များကို ယခုလို ပြောပြခဲ့ပါသည်၊

““ ကျွန်မနာမည်က မခင်ခင်ဦးဖြစ်ပါတယ်၊ အခုလို မတရားကျင့်ခံရတဲ့ ဆဌမတန်းကျောင်းသူ မ xxxxx ရဲ့ ယောင်းမဖြစ်ပါတယ်၊ သူ့အစ်ကိုက ကျွန်မခင်ပွန်းပါ ၊ သူတို့မိသားစုတစ်ခုလုံး
ရိုးလွန်းကြပါတယ်၊ ဖြစ်တဲ့နေ့ ၁၁၊၄၊၂၀၁၄ရက်နေ့ မွန်းလွဲပိုင်းလောက် နတ်ရေတွင်းရွာမှာနေတဲ့ ကျွန်မဆီကို မ xxxxx နဲ့ အတူကစားနေတဲ့ စန်းသီတာအေး(၁၄နှစ်)နဲ့ ကျွန်မယောင်းမအငယ်ဆုံး
၈နှစ်သမီး ချိုမီသန်းတို့ လာတိုင်ကြပါတယ်၊ူ မ xxxxx ကို တစ်ရွာတည်းနေတဲ့ မင်းမင်းထွန်း(၃၀နှစ်)က တောထဲကို ဆွဲခေါ်သွားတယ် ပေါ့၊ မင်းမင်းထွန်းဆိုတာက ကျွန်မတို့ရွာကပါပဲ၊ သူ့မှာ မိန်းမရှိတယ်၊

ကလေး(၂)ယောက် ရှိတယ်၊သူ့ရဲ့ သမီးအကြီးက(၉)နှစ်ဖြစ်ပြီး သားငယ်က (၁၁)လပဲ ရှိပါသေးတယ်၊ အဲဒီလိုလာတိုင်တော့ ကျွန်မလည်း ကျေးရွာအုပ်ချုပ်ရေးမှူးဆီကို သွားပြီးပြောပါတယ်၊ပြီးတော့မှ
လူကြီးတွေနဲ့အတူ တောထဲကို လိုက်ဖို့ ရွာကနေ ထွက်လာကြပါတယ်၊ ကျွန်မတို့ ရွာအပြင်ဘက် ရောက်တဲ့အချိန်မှာပဲ တောထဲဆွဲခေါ်ခံသွားရတဲ့ မ xxxxx ကို ဒရီးဒယိုင်နဲ့ လမ်းလျှောက်ပြန်လာတာတွေ့ရပါတယ်၊

သူမျက်နှာပေါ်မှာလည်း ဒါဏ်ရာတွေ ညိုမည်းနေပြီးဆံပင်တွေလည်း မြေကြီးတွေနဲ့ ပွစာကြဲနေပါတယ်၊ တစ်ကိုယ်လံုး ဖုန်တွေသည်တွေနဲ့ အောက်ပိုင်းတစ်ခုလုံးလည်း သွေးတွေ စီးကျနေပါတယ်၊ ၊ခပ်လှမ်းလှမ်းကနေ စမြင်ရတော့ ကျွန်မယောင်းမကို ကျွန်မအပါအ၀င် ဘယ်သူမှ မမှတ်မိကြပါဘူး၊အနားရောက်မှူ မ xxxxx မှန်းသိကြရပြီး ကျွန်မက ရွာထဲအထိ ကြောပိုးပြီး ခေါ်ခဲ့ပါတယ်၊ ရွာထဲကနေတစ်ဆင့် ကသာဆေးရုံကို ပို့လိုက်ရပါတယ်၊

အဲဒီနေ့ မှာပဲ ကျွန်မ ကသာရဲစခန်းကို အမှုသွားဖွင့်ပါတယ်၊ ရဲက ကျွန်ကို စစ်ဆေးချက်ကို ရေးမှတ်ပြီး အမှုဖွင့်ပေးပါတယ်၊ နောက်ပြီးကျွန်မ ယောင်းမ တက်နေတဲ့ ဆေးရုံကို လိုက်လာပြီး စစ်ဆေးမေးမြန်းပါတယ်၊

ဆေးရုံပေါ်မှာ ကျွန်မယောင်းမလေးရဲ့ မိန်းမကိုယ်ကနေ သွေးတွေ အဆက်မပြတ်ထွက်နေလို့ ပလပ်စတစ်နဲ့ အောက်ပိုင်းကို ပတ်ထားရပါတယ်၊ ကျွန်မတို့ ဆေးရုံမှာ(၆)ရက်တက်ပြီးပြန်ဆင်း
လာတော့မှရဲတွေ ကျွန်မတို့ရွာကို ရောက်လာပြီး ကျွန်မယောင်းမ မ xxxxx ကို စစ်ချက်ထပ်ယူပါတယ်၊ ကျွန်မတို့ အရင်နေ့တွေက ဘာလုပ် မဖမ်းကြတာလဲလို့မေးတော့ ရဲတွေက သင်္ကြန်တွင်း အလုပ်ရှုပ်နေကြလို့ ဆိုပြီး ပြောပါတယ်၊

သူတို့လာတဲ့အချိန်မှာ မင်းမင်းထွန်းက ထွက်ပြေးသွားပါပြီ၊ အဲဒီနောက်ပိုင်းတော့ ကျွန်မတို့ကို ဘာမှလည်းမသိရတော့ပါဘူး၊ညီမလေး ကတော့ ဆေးရုံကဆင်းလာပြီး မကြာခင် ဆော့ကစားနေရင်း
မိန်းမမကိုယ်ထဲက သွေးတွေ ပြန်ထွက်လာလို့ ဆေးရုံကို ဒုတိယအကြိမ် တက်ရပါတယ်၊

ရဲကလည်း ဘာမှ မပြောပါဘူး၊တရားရုံးကလည်း ခေါ်မစစ်ပါဘူး၊ ပြီးခဲ့တဲ့ သြဂုတ်လအတွင်းမှာတော့
ကျွန်မအဖေ(ယောက္ခထီး)က ရဲစခန်းမှူးဆီသွားမေးပါတယ်၊ (၄)လကျော်တဲ့အထိ ဘာမှန်း မသိရလို့ပေါ့၊ ရဲစခန်းမှူးက အခြားစခန်းတွေကို စာထုတ်ပြီး တရားခံဖမ်းပေးဖို့ အကြောင်းကြားစာ ပို့ထားတယ်ဆိုတာပဲ ပြောတယ်၊

ကျန်တာတော့ ဘာမှ မသိရပါဘူး၊ အခုအထိလည်း တရားရုံးတို့ ရဲစခန်းတို့ ဘယ်ကမှ ခေါ်စစ်တာ မေးတာ မရှိပါဘူး၊ အခုဆို(၇)လပြည့်တော့မယ်၊ တရားခံလည်း မမိဘူး၊ ဘာမှန်းလည်း မသိရဘူး၊ ကျွန်မတို့ မိသားစုအခုဖြစ်နေရတဲ့ ခံစားမှုက တထိတ်ထိတ်နဲ့ ကျီးလန့်စာစားနေ နေရပါတယ်၊ ကိုယ့်သမီးတွေ ယောင်းမတွေရဲ့ ဘ၀ဟာ မလုံခြုံသလို ခံစားနေရပါတယ်၊ ကျွန်မကတော့ ဒီလောက်ကြီး ရက်စက်တဲ့အမှုကို ကျူးလွန်သွားတဲ့တရားခံကို ရဲက မိအောင် မဖမ်းနိုင်ဘူးဆိုတော့ ရဲတွေညံ့လွန်းလို့ မကျေနပ်လို့ အခုလို ဆရာဟာဂျူလီကို လာတွေ့ပြီး ရင်ဖွင့်ရတာပါ”” ဟု ပြောဆိုပါသည်၊

မ xxxxx နှင့် အတူ ကစားနေခဲ့သည်ဆိုသည့် စန်းသီတာအေး(၁၄နှစ်)ကလည်း သူမ၏ ထိုနေ့ကဖြစ်ပျက်ခဲ့သည့် ဖြစ်စဉ်အပေါ် ယခုလို ပြောပြပါသည်၊

““ သမီးရယ် နဲ့ မ xxxxx ရယ် ချိုမီသန်း( မတရားပြုကျင့်ခံရသူ၏ ညီမ) အတူကစားနေကြတာပါ၊ အဲဒီအချိန်မှ ဦးမင်းထွန်းရောက်လာပြီး တောထဲမှာ သိကြားသီး သွားခူးစားကြရအောင်လို့ ပြောပါတယ်၊ကျွန်မတို့ကလည်းကိုယ်နဲ့ တစ်ရွာထည်းသား သိလည်း သိနေတော့ လိုက်သွားကြပါတယ်၊ တောအတော်နက်နက်သွားပြီး ဦးကျော်ဝင်းလှိုင်ရဲ့ ခြံနားရောက်တော့ နင်တို့ နေခဲ့တော့ဆိုပြီး ကျွန်မနဲ့ချိုမီသန်းကို ဒီနေမှာပဲ နေခဲ့ဆိုပြီးမ xxxxx ကိုပဲ ဆွဲခေါ်သွားပါတယ်၊

ကျွန်မတို့ လိုက်မယ်လုပ်တော့ ဦးမင်းထွန်းက ကျွန်မတို့ကို ဆဲပြီး မောင်းထုတ်တဲ့အတွက် ကျွန်မတို့ ကြောက်ပြီး ရွာကို ပြန်ခဲ့ကြပါတယ်၊ရွာရောက်တော့ အစ်မခင်ခင်ဦးကို သွားတိုင်ကြပါတယ်””


ဟု ပြောပြခဲ့ပါသည်၊ မတရားပြုကျင့်ခံခဲ့ရသူ (၁၁)နှစ်အရွယ် မ xxxxx ကလည်း သူမအပေါ် ရက်စက်စွာ ပြုကျင့်ခဲ့ပုံကို ယခုလို ပြောပြပါသည်ဓ““ သမီးတို့(၃)ယောက် နေ့လည်ပိုင်း ထိုင်ပြီး ကစားနေကြတုန်း ဦးမင်းထွန်းရောက်ပြီး ခြံထဲမှာ သိကြားသီးသွားခူးစားကြဖို့ ခေါ်ပါတယ်၊ကျွန်မတို့ကလည်း သိကြားသီးစားချင်လို့ လိုက်သွားပါတယ်၊တောထဲရောက်တော့ စန်းသီတာအေးနဲ့
ညီမလေးကို ဆက်မလိုက်ခဲ့ဖို့ ပြောပြီး သမီးကို တောထဲ အတင်းဇွတ် လက်ဆွဲ ခေါ်သွားပါတယ်၊နောက်တော့ သမီးကို တွန်းလဲပြီး အပေါ်ကနေ လုံးပါတယ်၊သမီးက ကယ်ကြပါဦးလို့ အတင်းအော်တော့ လည်ပင်းညစ်ပြီး မျက်နှာတွေကို ရိုက်ပါတယ်၊


နောက်တော့ ပါးစပ်ပိတ်ပြီး မတရားကျင့်ပါတယ်၊ နောက်ပြီးတော့မှ ကျွန်မမျက်နှာကို ရိုက်လည်း ရိုက်တယ်၊ ကျောက်ခဲနဲ့ လည်း ထုပါတယ်၊ ကျွန်မက မေ့ချင်ယောင်ဆောင် နေလိုက်ပါတယ်၊ ဦးမင်းမင်းထွန်းက ကျွန်မကိုမီးသွေးဖိုပျက်( ယခင်မီးသွေးများ ဖုတ်သည့်တွင်း)ထဲ ဆွဲခေါ်သွားပါတယ်၊ ပြီးတော့မှ ခေါင်းကိုအရင် မြေကြီးထဲ ချပါတယ်၊ ပြီးမှ ခြေထောက် ကို ပစ်ချပါတယ်၊ ကျွန်မက ငြိမ်နေတော့ မြေကြီးတွေ သဲတွေ ဖုန်းပါတယ်၊

ကျွန်မကအသက် အောက်ပြီးနေပါတယ်၊အတောကလေးကြာတော့မှ မြေကြီးတွေကို ခြေထောက်နဲ့ တအားကန်ထုတ်ပြီး ရုန်းထွက်ခဲ့ပါတယ်၊ ကျွန်မ အပေါ်ရောက်လို့ နားနေတဲ့အချိန် ဥိးမင်းမင်းထွန်း နောက်တစ်ခေါက် ပြန်ရောက်လာပြီး“ဟေ့ .နင့်ကို ဘယ်သူတွင်းထဲက ထုတ်ပေးတာလဲ” လို့မေးလို့ ဟိုအခင်းထဲကက ဦးလေးကြီး ထုတ်ပေးတာ၊ အခု ခင်ဗျားကို ခုတ်ဖို့ တဲထဲမှာ ဒါးသွားယူနေတယ် လို့ ညာပြောလိုက်တော့ ဦးမင်းမင်းထွန်း တောထဲ ၀င်ပြေးသွားပါတယ်၊

နောက်တော့ ကျွန်မလည်း ခေါင်းတွေ မူးပြီး ရွာကို ရောက်အောင် ကြိုးစားပြီး ပြန်လာပါတယ်၊ ချောင်းတစ်ခုကျော်လာတော့ အစ်မ ခင်ခင်ဦးတို့နဲ့ တွေ့ပြီး ကြောပိုးခေါ်သွားခဲ့ပါတယ်၊”” ဟု ပြောဆိုခဲ့ပါသည်၊

မ xxxxx ၏ ဖခင် ဦးစိုးဝင်းမြင့် မှလည်း...“ ကျွန်တော်မှာ သားသမီး(၅)ယောက်ရှိပြီး အငယ်ဆုံး(၂)ယောက်က သမီးတွေပါ၊ အမျိုးသမီးကတော့ မနှစ်ကပဲ ဆု့းသွားခဲ့ပါပြီ၊
သမီးလေး အစော်ကားခံလိုက်ရတဲ့နေ့က ကျွန်တော်က ကသာမြို့ရဲ့ တစ်ဖက်ကမ်းမှာ တောင်ယာသွားလုပ်နေပါတယ်၊

နတ်ရေတွင်းကနေ ဖုန်းဆက်လို့ ကသာကို ပြန်လာပြီး ဆေးရုံကိုသွားခဲ့ပါတယ်၊ သမီးချွေးမက အမှုဖွင့်ထားပါတယ်၊ ၄/၅လ ကြာတဲ့အထိ အမှုလည်း မဖြစ် ၊တရားခံလည်း မဖမ်းမိလို့ (၁၆၊၈၊၁၄)ရက်နေ့ ညနေ(၃)နာရီလောက်ရဲစခန်းကို သွားပြောတော့ ပထမအင်တင်တင် လုပ်နေပါတယ်၊

အင်တာနက်ပေါ်တင်မယ်ပြောတော့မှ စခန်းမှူးက အခြားရဲစခန်းတွေကို စာထုတ်ပြီး တရားခံကို တွေ့ရင် ဖမ်းပေးဖို့ စာတွေပို့ထားကြောင်း ပြောပြပါတယ်၊

အခုအထိ တရားရုံးကလည်း မခေါ်သေးပါဘူး၊ရဲကလည်း မခေါ်သေးပါဘူး၊ တရားခ့လည်း မမိသေးပါဘူး၊ ကျွန်တော် ခံစားချက်ပြောရရင်တော့ ကသာရဲတွေကို စိတ်ကုန်တယ်၊ စိတ်ပျက်တယ်၊ညံ့ဖျင်းလွန်းတယ်လို့ပဲပြောလိုက်ချင်ပါတယ်၊”” ဟု ပြောဆိုခဲ့ပါသည်၊

ထိုဖြစ်စဉ်နှင့်ပတ်သက်၍ ကသာမြို့မရဲစခန်းသို့ ဆက်သွယ်မေးမြန်းစုံစမ်းခဲ့ရာ လာတိုင်သည် ၁၁၊၄၊ ၂၀၁၄ရက်နေ့ကတည်းက ကသာရဲစခန်း(ပ)၆၂/၁၄ ၊ပြစ်မှုဆိုင်ရာ ဥပဒေပုဒ်မ ၃၇၆ ဖြင့် အမှုဖွင့်ထားပြီး
တရားခံထွက်ပြေးတိမ်းရှောင်သွားသောကြောင့် အမှုမှာ ကြန့်ကြာနေခြင်းဖြစ်ကြောင်း၊

ယခု ကသာတရားရုံးသို့ ၂၉၊၈၊၁၄ရက်နေ့(ဦးစိုးဝင်းမြင့် ရဲစခန်းသို့ သွားပြောပြီး၁၃ရက်အကြာ) တရားခံပြေးအဖြစ်စွဲတင်ထားပြီးကသာတရားရုံးမှလည်း ရာသေးအမှတ်(၅၂)ဖြင့် အမှုလက်ခံထားကြောင်း ပြောဆိုခဲ့ပါသည်၊ ကသာမြို့မရဲစခန်းအပိုင်အတွင် ဖြစ်ခဲ့သည့် အမှုကြီး အချို့မှာ တရားခံ မပေါ်ခဲ့မှုများ ရှိနေကြောင်း ပြီးခဲ့သည့်(၃)လခန့်ကဖြစ်ပေါ်ခဲ့သော သိန်း(၄၇၀)ဖေါက်ထွှင်းမှုတရားခံကိုလည်း မပေါ်ပေါက်သဖြင့် CID မှလွဲပြောင်း စစ်ဆေးနေရပါသည်၊

ထိုဖြစ်စဉ်အပေါ် အသက်(၇၀)အရွယ်အငြိမ်းစား ရဲအရာရှိတစ်ဦးမှ ပြောကြားသည်မှာ
“ အရင် ဘကြီးတို့ ခေတ်ကတော့ ကိုယ့်အပိုင်ထဲမှာ အမှုကြီးဖြစ်ရင် အရေးယူခံရတာပဲ၊ အဲ တရားခံများ မပေါ်ရင်တော့ သေပြီဆရာပဲပေါ့၊

အပွင့်တွေ လျှော နယ်တွေပြောင်း ဖြစ်ကြရတော့ တရားခံ မပေါ် ပေါ်အောင်မမိ မိအောင် လိုက်စုံစမ်း လိုက်ဖမ်းကြရတာကိုး၊ အခုခေတ်ကတော့ အမှုကြီးတွေ မပေါ်လည်း ဘာမှ ဖြစ်သံ မကြားရတော့ စခန်းမှူးတွေ မြို့နယ်မှူးတွေလည်း အလုပ်တွေ ပေါ့လာထာ ဖြစ်နိုင်တာပေါ့” ဟု
သုံးသတ် ပြောဆိုသွားခဲ့ပါသည်။

(ဟာဂျူလီ-ကသာ)