မန္တလေး ပဋိပက္ခအတွင်း လူသတ်မှုကျူးလွန်ခဲ့သည့် တရားခံ လေးဦးကို ပုဒ်မ ၃၀၂/၂ နှင့်
ပုဒ်မ ၁၁၄တို့ဖြင့် မန္တလေးခရိုင် တရားရုံးက
အောက်တိုဘာ ၁၄ရက် မွန်းလွဲ ၂နာရီက
အလုပ်ကြမ်းနှင့် ထောင် ၁၀နှစ် ချမှတ်
လိုက်ပြီဖြစ်သည်။
ဇူလိုင်လ ၃ ရက် နံနက်လေးနာရီတွင် ဦးစိုးမင်းထွေး နေအိမ်မှ ဗလီတက်ရန် ထွက်ခွာစဉ်တွင် ၂၉ လမ်း ၈၃ လမ်းထောင့်တွင် အမည်မသိ လူတစ်စုမှ ဝိုင်းဝန်းရိုက်နှက်ခဲ့ခြင်းကြောင့် သေဆုံးခြင်းနှင့် ပက်သက်၍ လက်ရှိတွင် ဖမ်းဆီးထားရှိသူ နှစ်ဦးရှိပြီး နှစ်ဦးမှာ ထွက်ပြေးလွတ်မြောက်နေဆဲဟု ဆိုသည်။
ဇူလိုင်လ ၂ ရက် ည ၁၁ နာရီခန့်က ဦးထွန်းထွန်းကို ၈၃ လမ်း၊ ၃၄ လမ်းထောင့်တွင် အသတ်ခံခဲ့ရခြင်းနှင့် ပက်သက်၍ သံသယရှိသူများကိုလည်း ဖမ်းဆီးအရေးယူထားသော်လည်း ပါဝင်ပတ်သက်သူဟု ယူဆရသူ ရေအတွက်မှာ များသောကြောင့် ဖမ်းဆီးအရေးယူမှုများ လုပ်ဆောင်နေဆဲဖြစ်ကာ အပြီးသတ်အမိန့်ချရန်မှာလည်း လတ်တလော မလွယ်ကူနိုင်သေးဟု ဒုတိယရဲမှူးကြီး ဦးစိန်ထွန်းက ပြောသည်။
မန္တလေးမြို့တွင် ၂၀၁၄ ခုနှစ် ဇူလိုင်လက ဖြစ်ပေါ်ခဲ့သည့် ပဋိပက္ခကြောင့် ဇူလိုင် ၃ ရက်မှ စတင်၍ ရက်ပေါင်း လေးဆယ်ကျော် ညမထွက်ရအမိန့် ထုတ်ပြန်ခဲ့ရသည်။
မန္တလေး ပဋိပက္ခအတွင်း လူသတ်မှုကျူးလွန်ခဲ့သည့် တရားခံများကို အမိန့်ချအပြီး အောက်တိုဘာ ၁၄ရက်က မန္တလေးခရိုင် တရားရုံးတွင် တွေ့ရစဉ်။ (ဓာတ်ပုံ- အောင်ကိုဦး၊ မဇ္ဈိမ)
မန္တလေး ပဋိပက္ခအတွင်း လူသတ်မှုကျူးလွန်ခဲ့သည့် တရားခံများကို အမိန့်ချအပြီး အောက်တိုဘာ ၁၄ရက်က မန္တလေးခရိုင် တရားရုံးတွင် တရားခံတစ်ဦး၏ မိခင်က ငိုကြွေးနေစဉ်။ (ဓာတ်ပုံ- အောင်ကိုဦး၊ မဇ္ဈိမ)
Mizziam News Daily
ကိုစိုးမင်း အသတ်ခံရမှု ၄ ဦးကို ထောင် ၁၀ နှစ်ချ
ပြီးခဲ့တဲ့ ဇူလိုင်လက မန္တလေး မြို့မှာ ဖြစ်ခဲ့တဲ့ ပဋိပက္ခ အတွင်း အစ္စလာမ် ဘာသာဝင် ကိုစိုးမင်းကို သတ်ဖြတ်ခဲ့မှုနဲ့ ဖမ်းဆီး ခံထားရသူ လူငယ် ၄ ယောက်ကို မန္တလေး ခရိုင် တရားရုံးက အလုပ်ကြမ်းနဲ့ ထောင်ဒဏ် ၁၀ နှစ်စီ ချမှတ်လိုက်ပါတယ်။
ဒီကနေ့ ပြစ်ဒဏ် ချမှတ်ခံကြရတဲ့ ကိုကျော်ဇင်ထက်၊ ကိုဉာဏ်ဌေး၊ ကိုဖိုးဇော်နဲ့ ကိုဇင်မင်းထွန်း တို့ဟာ ပုဒ်မ ၃၀၂ (၂)/ ၁၁၄ နဲ့ တရားစွဲဆို ခံခဲ့ကြရတာ ဖြစ်ပါတယ်။
သူတို့ မိသားစု ကတော့ အဆင့်ဆင့် အယူခံ ဆက်ဝင်သွားမယ်လို့ ပြောပါတယ်။
အဲဒီ ပဋိပက္ခ အတွင်းမှာပဲ ဗုဒ္ဓဘာသာဝင် ကိုထွန်းထွန်းကို သတ်ဖြတ်မှု အတွက် ဖမ်းဆီး ခံထားရသူတွေရဲ့ အမှုကိုတော့ စုံစမ်း စစ်ဆေးတုန်း ဖြစ်တယ်လို့ အမှုလိုက် ရှေ့နေက ပြောပါတယ်။
BBC (မြန်မာပိုင်း)
No comments:
Post a Comment