လျှပ်စစ်ဝန်ထမ်း ဦးမြင့်အောင် အသက် (၄၀) ဟာ သာကေတမြို့ မြခွာညို အိမ်ရာရှေ့မှာ ရှိတဲ့ လျှပ်စစ်ဓာတ်ကြိုးနဲ့ မလွတ်တဲ့ သစ်ကိုင်းတွေ ခုတ်ထွင်ရှင်းလင်းရာကနေ အခုလို ဓာတ်လိုက် သေဆုံး ခဲ့တာလို့ မျက်မြင်တွေ့ရှိသူတဦးက ဒီဗွီဘီကိုပြောပါတယ်။
သေဆုံးသူ ဦးမြင့်အောင်မှာ သားသမီး ၂ ဦး ရှိပြီး လျှပ်စစ်ဝန်ထမ်း အဖြစ်နဲ့ လုပ်ကိုင်နေတာ ၁၅ နှစ်ရှိပြီလို့ သူ့ရဲ့လုပ်ဖော်ကိုင် ဖက် တဦးက ပြော ပါတယ်။
အောက်တိုဘာလ ၁၁ ရက်နေ့ ည ၇ နာရီကျော်လောက် က လည်း မြောက် ဥက္ကလာပမြို့နယ် သံသုမာ ၅ လမ်းမှာ ဓာတ်ကြိုးပြုတ်ကျပြီး မိသားစု ၃ ယောက် ဓာတ်လိုက်လို့ ဆေးရုံတင်ပို့ခဲ့ရပါတယ်။
မြန်မာနိုင်ငံမှာ အခုနှစ် ဇန်န၀ါရီလကနေ စက်တင်ဘာလအထိ ဓာတ်လိုက်သေဆုံးမှု အမှုပေါင်း ၁၂၀ လောက် ရှိတယ်လို့ ရန်ကုန်တိုင်းဒေသကြီး ရဲတပ်ဖွဲ့က သတင်းထုတ်ပြန်ထားပါတယ်။
လျှပ်စစ်အန္တရာယ်ကြောင့် ပြည်သူတွေ သေဆုံး ထိခိုက်နစ်နာ နေရတာနဲ့ ပတ်သက်ပြီး နောက်ပိုင်း လုံလောက် ထိုက်တန်တဲ့ လျော်ကြေးတွေ ရလာအောင် အစိုးရအဖွဲ့ကို တင်ပြဆောင်ရွက်ပေးသွားမယ်လို့ လျှပ်စစ်ဒုဝန်ကြီး ဦးအောင်သန်းဦးက ပြီးခဲ့တဲ့ စက်တင်ဘာ ၂၃ ရက်နေ့က အမျိုးသားလွှတ်တော်မှာ ပြောကြားထားပါတယ်။
ပြီးခဲ့တဲ့ ဖြစ်စဉ်တွေမှာ လျှပ်စစ်ဌာနဟာ ဓာတ်ကြိုးပြတ်ကျ ဓာတ်လိုက်ပြီး သေဆုံးသူ ပြည်သူတွေအတွက် တချို့ ကျပ်ငွေ ၂ သိန်း၊ နောက်ဆုံး ဖြစ်ပွားခဲ့တဲ့ သင်္ကန်းကျွန်း ၁၆ ရပ်ကွက်ဖြစ်စဉ်မှာ ကျပ် ၁၀ သိန်း၊ လှည်းတန်းဖြစ်စဉ်မှာ ကျပ် ၂၇ သိန်းစီ ပေးအပ်ခဲ့ပါတယ်။
By ဒီဗွီဘီ
http://burmese.dvb.no/archives/68169
 |
| အခင်းဖြစ်ပွားစဉ်က |
No comments:
Post a Comment