ငါးလောင်းပြိုင်လူသတ်မှု၏ တရားခံများ ပြေး/မပြေး ရန်ကုန်တိုင်း ဒေသကြီး ရဲတပ်ဖွဲ့မသိ

လွန်ခဲ့သော ခြောက်နှစ်ခန့်ကပင် ဖြစ်ပွါးခဲ့သော စိမ်းလဲ့ကန်သာ ငါးလောင်းပြိုင်လူသတ်မှု တရားခံများ ပြေး/မပြေးကို မသိကြောင်း ရန်ကုန်တိုင်း ဒေသကြီး ရဲတပ်ဖွဲ့က မသိကြောင်း အဆိုပါ ရဲတပ်ဖွဲ့၏ ဒုတိယ ရဲမှုးကြီးမြင့်ထွေး က ယနေ့ပြုလုပ်သည့် ရဲလုပ်ငန်းစဉ် သတင်းစာရှင်းလင်းပွဲ၌ News Watch ၏ မေးမြန်းမှုကို ဖြေကြားခဲ့သည်။

"အဲဒီအမှုကို အရေးကြီးမှုခင်းတပ်ဖွဲ့ CID ကို လွှဲအပ် ဆောင်ရွက် နေပါတယ်။ တရား ခံတွေ ပြေးနေသလား၊ ပြေးမနေဘူးလားဆိုတာတော့ မသိဘူး”ဟုယင်းကဆိုသည်။

၂၀၀၈ ခုနှစ် မတ်လအတွင်းက ဖြစ်ပွားခဲ့သော အဆိုပါ စိမ်းလဲ့ကန်သာ လူသတ်မှုတွင် လူသတ်သမားက သေနတ်အသုံး ပြုခဲ့သောကြောင့် မိုးကုတ်သူဌေးကြီး ဦးမြမောင်နှင့်ဇနီး၊ သမီးနှစ်ဦး၊အိမ် ဖော်တစ်ဦးစုစုပေါင်း ငါးဦး ပွဲချင်းပြီးသေဆုံးခဲ့ခြင်းဖြစ်သည်။

မေငယ်

News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal?fref=nf

ငါးလောင်းပြိုင်လူသတ်မှု ။ ဓါတ်ပုံ - အင်တာနက်