ကယားပြည်နယ် လွိုင်ကော်မြို့မှာ ဒီကနေ့ပြုလုပ်တဲ့ လူထုဟောပြောပွဲမှာ ဒေါ်အောင်ဆန်းစုကြည်က အဲ့ဒီလို ပြောလိုက်တာ ဖြစ်ပါတယ်။
"ဒီ PR စနစ်ကို လက်ခံလိုက်ခြင်းအားဖြင့် ပြည်သူတွေရဲ့ဆန္ဒမဲတွေ ပြန့်သွားပြီးတော့ အမျိုးသားဒီမိုကရေစီအဖွဲ့ချုပ်မဲတွေ အပြတ်အသတ်မနိုင်အောင်လို့ လုပ်နေသလားလို့ ကျမတို့က စဉ်းစားစရာတွေ ဖြစ်လာတယ်"
လက်ရှိအခြေအနေအရ PR စနစ်ဟာ မြန်မာနိုင်ငံနဲ့ မသင့်တော်သေးကြောင်းလည်း ထည့်သွင်းပြောခဲ့ပါတယ်။
ဒါ့အပြင် ဒေါ်အောင်ဆန်းစုကြည်က အမျိုးသားဒီမိုကရေစီအဖွဲ့ချုပ်ဟာ အခုအချိန်မှ ဖက်ဒရယ်ပြည်ထောင်စု ဆိုတာကို ပြောနေတာမဟုတ်ပဲ ဖက်ဒရယ်လို့ပြောရင် ဖမ်းဆီးနေတဲ့ စစ်အစိုးရလက်ထက်အချိန်ကတည်းက တစိုက်မတ်မတ် ပြောခဲ့တာဖြစ်ကြောင်းလည်း ပြောခဲ့ပါတယ်။
ဒေါ်အောင်ဆန်းစုကြည်နဲ့ ဒီနေ့လွိုင်ကော်လူထုတွေ့ဆုံပွဲကို ဒေသခံအင်အား တစ်သောင်းနီးပါးလောက် တက်ရောက်ကြတယ်လို့ သိရပါတယ်။
RFA Burmese
https://www.facebook.com/pages/RFA-Burmese/39218993127?ref=br_tf
 |
| အမျိုးသား ဒီမိုကရေစီ အဖွဲ့ချုပ်ဥက္ကဌ ဒေါ်အောင်ဆန်းစုကြည် ကယားပြည်နယ် လွိုင်ကော်မြို့က ကယားဒေးကွင်းမှာ လူထုတစ်သောင်းကျော်နှင့် ဒီနေ့ညနေမှာ တွေ့ဆုံ ဟောပြော ခဲ့ပါတယ်။ Photo: Nay Thwae/RFA |
No comments:
Post a Comment